دانیشتنی ئەنجومەنی نێونەرانی عێراق دەستی پێكرد

09/08/2016 - 12:08 بڵاوکراوەتەوە لە هەواڵ/عێراقی

دانیشتنی ئەنجومەنی نوێنەرانی عێراق بە سەرپەرشتی ئارام شێخ محەمەد دەستی پێكرد و بڕیاریشە سەرۆكی ئەنجومەنی نوێنەرانی عێراق داوای هەڵگرتنی پارێزەربەندی دەكات.

 

ئەمڕۆ سێ شەممە دانیشتنی ئەنجومەنی نوێنەرانی عێراق بە سەرپەرشتی ئارام شێح محەمەد دەستی پێكرد و بڕیارە سەلیم جبوری سەرۆكی ئەنجومەنی نوێنەرانی عێراق وتارێك پێشكەش بكات و داوا بكات پەرلەمانتاران دەنگ بدەن بۆ هەڵگرتنی پارێزبەندی ئەو بۆ ئەوەی لەسەر ئەو تۆمەتانەی ئاراستەی كراون بچێتە بەردەم دادگا.

 


هەروەها ئەمڕۆش لە دانیشتنەكەدا جارێكی تر وەزیری بەرگری عێراق بانگهێشت دەكرێتەوە بۆ لێ پرسینەوە لەسەر چەند گرێبەستێكی كڕینی چەك.

 

جێگای ئاماژە بۆكردنە ڕۆژی یەكی ئابی 2016 وەزیری بەرگری عێراق بانگهێشتی ئەنجومەنی نوێنەرانی عێراق كرا بۆ لێ پرسینەوە لە گەڵیدا، ناوبراو ناوی چەند كەسێكی برد كە تێوەگلاون بە گەندەڵی و تێیدا ناوی سەرۆكی پەلەمان و چەند پەرلەمانتارێكی تێیدا هێنا.

 

 

سەلام بێستانسوری