بە بەهای دوو ملیار دۆلار وەزیری بەرگری گرێبەستی چەكی بێ كەڵكی واژۆ كردووە

18/08/2016 - 11:25 بڵاوکراوەتەوە لە هەواڵ/عێراقی


دۆسیەیەكی نوێی گەندەڵی خالید عوبێدی وەزیری بەرگری عێراق و چەند كەسێكی وەزارەتەكەی ئاشكرا دەكرێت كە رێبەستێكی كڕینی چەك و جبەخانەیە لە وڵاتی چین، سەرجەم جبەخانەكەش بەكارهاتووە و ستۆك بووە و فڕۆكەی جەنگیشی تێدایە.


بە گوێرەی زانیاریەكان گرێبەستە سەربازیەكە مانگی داهاتوو دەچێتە بواری جێبەجێكردنەوە ، بریتە لە چەك و جبەخانە و فڕۆكەی لە كاركەوتوو، جگە لەوەش بە نرخی زۆر خەیاڵی كڕدراون، بە ئاگاداری خالید عوبێدی وەزیری بەرگری و فەریق هادی عەزاب بەڕێوبەری پڕچەككردن و بەرپرسی گرێبەستە سەربازیەكان بووە.


هەرچەند حەیدەر عەبادی سەرۆك وەزیرانی عێراق، ئاگادار كراوە لە گەندەڵیەكانی گرێبەستەكە بۆ ماوەی زیاتر لە 10 مانگ، تاوەكو ئێستا بێ دەنگی هەڵبژاردووە.

پێشتر لەكاتی بانگهێشتكردنیدا بۆ ئەنجومەنی نوێنەران بە تۆمەتی لێپرسینەوەی لە گەندەڵی وەزارەتەكەی، خالید عوبێدی سەرۆكی ئەنجومەن سەلیم جبوری تۆمەتبار كرد بە تێوەگلان لە گەندەڵی و دواجار دادگا بێ تاوانی سەلیم جبوری سەلماند و وەزیری بەرگریش دۆسیەی گەندەڵی بەسەردا ساغ دەبێتەوە.

پێشتر لەكاتی بانگهێشتكردنیدا بۆ ئەنجومەنی نوێنەران بە تۆمەتی لێپرسینەوەی لە گەندەڵی وەزارەتەكەی، خالید عوبێدی سەرۆكی ئەنجومەن سەلیم جبوری تۆمەتبار كرد بە تێوەگلان لە گەندەڵی و دواجار دادگا بێ تاوانی سەلیم جبوری سەلماند و وەزیری بەرگریش دۆسیەی گەندەڵی بەسەردا ساغ دەبێتەوە.