سوپای عێراق دوو گوند لە میحوەری گوێڕ لەدەست دەدات

18/10/2016 - 17:48 بڵاوکراوەتەوە لە هەواڵ/عێراقی

 

سوپای عێراق دوای كۆنترؤلكردنەوەی گوندێك دواجار بەهۆی تەقینەوەی ئۆتۆمبێلێكی بۆمبرێژكراو لەلایەن داعشەوە بە سوپاكە ناچاردەبن پاشەكشێ بكەن و لە گوندێكیتریش دوو رۆژە هەوڵی كۆنترۆڵكردنەوەی دەدەن بەڵام سەركەوتوو نەبوونە ، هەردوو گوندەكەش سەر بە سنوری گوێرن .

سوپای عێراق ڕۆژی رابردوو گوندی كانی حەرامی كۆنترۆڵكردەوە ، بەڵام دواتر داعش ئۆتۆمبێلێكی بۆمبرێژكراوی ناردە سەریان و دوای تەقاندنەوەی بە كاروانی سوپاكە شەڕو پێكدادان دەستی پێكردەوەو ئەمڕۆش بەناچاری سوپای عێراق پاشەكشەی كرد لەو گوندە .

لەلایەكیترەوە لەدوێنێوە هێزێكی سوپای عێراق هەوڵ دەدەن گوندی عەباسی ڕزگاربكەن ، بەڵام تا ئێستا سەركەوتوونەبوونە.

سوپای عێراق توانیویەتی بچێتە ناو هەردوو گوندەكەوە، بەڵام نەیتوانیوە بە تەواوی ئازادیان بكات و چەكدارانی داعش لەناو گوندەكان ماون و بەرگری دەكەن و بۆمبە چێندراو و ئۆتۆمبێلە بۆمبرێژكراوەكانی داعش ناچاری كردوون نەتوانن لەوە زیاتر جموجۆڵ بكەن و لەبری ئەوە پاشەكشە بكەن .

 

م. كانی