سوپای عێراق گەڕایەوە نزیك رووباری دیجلە

13/01/2017 - 09:09 بڵاوکراوەتەوە لە هەواڵ/عێراقی

 

 

 

لەگەڵ ئەوەی هێزەكانی سوپای عێراق بەشێكی زۆری خۆرهەڵاتی شاری موسڵیان لەژێر چنگی داعش دەرهێناوە، بەڵام داعش بەردەوامە لەئەنجامدانی هێرشی خۆكوژی.

بەپێی زانیارییەكان، ئێوارەی دوێنێ‌ گروپە چەكدارەكانی داعش پێنج هێرشی خۆكوژیان كردۆتە سەر هێزەكانی سوپای عێراق و ناچاری پاشەكشەیان كردوون بۆ نزیك رووباری دیجلە.

كەناڵی جەزیرە بڵاویكردۆتەوە، دوێنێ‌ داعش لەڕێگەی پێنج ئۆتۆمبێلی بۆمب ڕێژكراو خۆیان بەهێزەكانی سوپای عێراقیدا تەقاندۆتەوەو زیانی زۆریان لێدوان، بەڵام هیچ ئامارێك نەخراوەتەڕوو.

هەروەها باسی ئەوەشكراوە، دوا بەدوای ئەو زنجیرە هێرشە خۆكوژییە فڕۆكە جەنگییەكان بۆردومانی چەندین ناوچەی خۆرهەڵاتی شاری موسڵیان كردووە.

هاوكات باس لەوەشكراوە، داعش لەشوێنی نەزاندراوو خانووە وێرانكراوەكانەوە هێرش دەكاتە سەر هێزەكانی سوپای عێراق، بۆیە ناچاری پاشەكشە كردن بوونەوە بۆ نزیك رووباری دیجلە.

 

ئـ . كـ