سەركردەیەكی حەشدی شەعبی بە ئەشكەنجەدان گیانی لەدەستدا

29/06/2019 - 10:47 بڵاوکراوەتەوە لە هەواڵ/عێراقی

 

 

لەكاتی لێكۆڵینەوەو ئەشكەنجەدانی لەنێو نووسینگەیەكی بنەبڕكردنی مادە هۆشبەرەكان، سەركردەیەكی حەشدی شەعبی گیان لەدەستدەدات.

(كەریم علێوی) ئەندامی لێژنەی ئاسایش و بەرگری لەئەنجوومەنی نوێنەرانی عێراق رایگەیاندووە، (جەواد كازمی) سەركردە لەحەشدی شەعبی لەنێو نووسینگەی لێكۆڵینەوەی مادە هۆشبەرەكان ئەشكەنجە دراوەو بەهۆیەوە گیانی لەدەستداوە.

علێوی پێی وایە گیان لەدەستدانی ئەو سەركردەیەی حەشدی شەعبی لەنێو نووسینگەیەكی سەربە وەزارەتی ناوخۆ ناوزڕاندنی وەزارەتەكەیە لەلایەن چەند خانەیەكی سەربە حزبی بەعس و داعش بەزیان دەشكێتەوە.

هاوكات ناوبراو داوای لەوەزارەتی ناوخۆ كردووە لێكۆڵینەوە بكات لەگیان لەدەستدانی ئەو سەركردەیەی حەشدی شەعبی لەناوچەی بەیاعی شاری بەغدا.