ڕێگەی نێوان عێراق و سوریا دەكرێتەوە

05/07/2019 - 13:44 بڵاوکراوەتەوە لە هەواڵ/عێراقی

 

 

سەرچاوە دیبلۆماسیەكانی سوریا ڕایانگەیاندووە، ڕێڕەوە سنوورییەكانی قائیم – بوكەمال لە نێوان عێراق و سوریا لە ماوەی چەند هەفتەی داهاتوو دەكرێتەوە.

ئەو سەرچاوانە ئاماژەین بەوەداوە، كە كردنەوەی ئەو ڕێڕەوە كەمتر لەمانگێكی پێویستە، بەڵام جارێ‌ تەنها ڕێڕەوێكیان دەكرێنەوە.

ئەوەش ئەنجامی كۆبوونەوەی بەرپرسانی باڵای سەربازی سێ وڵاتی سوریا، عێراق و ئێران بووە لەشاری دیمەشق لەمانگی مارسی ڕابردوو.

لەلایەكی ترەوە سەرچاوە عێراقیەكان رایانگەیاندووە: هەوڵەكان بۆ كردنەوەی ڕێڕەو لە ئەنبار لە ڕۆژئاوای عێراق لە ئارادایە تا ڕێگاكە خۆش بكرێت و ئاوەدان بكرێتەوەو بۆ هاتوچۆیگەشتیاری و گواستنەوەی كاڵا سوودی هەبێت.