بەفڕۆكەی بێ‌ فڕۆكەوان بۆردومانی حەشدی شەعبی كرا

20/07/2019 - 07:23 بڵاوکراوەتەوە لە هەواڵ/عێراقی

 

كاربەدەستانی ئاسایشی عێراق دەڵێن، بە فڕۆكەیەكی درۆن هێرشكراوەتە سەر سەربازگەیەكی حەشدی شەعبی لە پارێزگای سەڵاحەددین.

میدیای ئاسایشی عێراق ناسراو بە خانەی راگەیاندنی جەنگی لەسەر فەیسبوكەكەی نووسیویەتی، دووجار بە فڕۆكەی درۆن نارنجۆكی دەستی بەردراوەتەوە سەر سەربازگەی شەهیدانی لیوای (16) ی حەشدی شەعبی لە ناوچەی ئامرلی و بۆتە هۆی كوژرانی چەكدارێكیان و برینداربوونی 3 ی تر، پاشان نووسیویەتی دواتر وردەكاریـیەكان ڕادەگەیەنن.

(عەلی حوسێنی) وتەبێژی حەشدی شەعبی لە كەركوك بەدەنگی ئەمریكای راگەیاندووە، وتویەتی لە ئێستادا سەرقاڵی لێكۆڵینەوەن.

لەلایەكی ترەوە (شان ڕۆبەرتسن) وتەبێژی وەزارەتی بەرگری ئەمریكا بە ئاژانسی دەنگ‌ و باسی ئەسۆشیەتد پـرێسی وتووە، هێزەكانی ئەمریكا دەستیان لە هێرشەكەدا نیـیە.