دەیان خێزانی داعش لەم شارەی كوردستان نیشتەجێ‌ دەكرێن

30/08/2019 - 10:14 بڵاوکراوەتەوە لە هەواڵ/عێراقی

 

 

سەرچاوەیەك لە پۆلیسی كەركوك رایگەیاند: (130) خێزان لە كەس و كاری داعش كە لەكەمپی (حەمام عەلیل) لەموسڵ نیشتەجێكرابوون، گواستراونەتەوە بۆ كەمپی لەیلان یەك لەشارەدێی دیلان لەكەركوك.

بەگوێرەی زانیارییەكان ژمارەی ئەوانەی هێندراون (504) كەسن و خەڵكی شارەدێی ریازو زاب و رەشادو شارۆچكەی حەویجەن.

هەر بەپێی زانیارییەكانی كەدەست كەوتوون (200) خێزانی دیكە لەرێگان، تاوەكو بهێنرێنە نێو شاری كەركوك و بەناوی ئاوارە لەشارەكە نیشتەجێیان بكەن و بۆ ئەم مەبەستەش (155) خێوەتیان بۆ ئامادەكراوە، ئەمەش وەك هەنگاوێكی دیكەی تەعریب كردنی شارەكەو دواتر سوود بینین لەدەنگی ئەو خێزانە بۆ بەشداریكردن لەپرۆسەی دەنگدانی ئەنجوومەنی پارێزگای كەركوك كە وا بڕیارە لە مانگی نیسانی (2020) ئەنجام بدرێت.