والی داعشی بەغدا كوژرا

30/08/2019 - 11:56 بڵاوکراوەتەوە لە هەواڵ/عێراقی

 

 

راگەیەنرا (عەبدولسەلام حەمەد حەمود) بەناو والی داعش بۆ ویلایەتی بەغدا، لە رۆژئاوای ویلایەتی ئەنبار كوژراوە.

حەشدی شەعبی لەڕاگەیەنراوێكدا رایگەیاند، هێزەكانیان (عەبدولسەلام حەمەد حەمود) بەناو والی داعشیان بۆ ویلایەتی بەغدا كوشتووە.

بەپێی راگەیەنراوەكە، حەمود بەر لەهەوڵە خۆكوژییەكە، جێگرەكەی لەگەڵ شەش پاسەوانی لەگەڵدا بووەو دواتر لەئەنجامی لێكۆڵینەكاندا دەركەوتووە كە تەرمی حەمود لەنێو كوژراوەكاندایە.

راگەیەنراوە كە تەرمەكان رەوانەی فەرماندەیی ئۆپەراسیۆنە هاوبەشەكانی سوپای عێراق كراون و هێشتا لەبارەی حەمودەوە هیچ روونكردنەوەیەكی فەرمی نەدراوە.

لەڕاگەیەنراوەكەدا ئاماژە بەوە دراوە، لەمیانەی ئۆپەراسیۆنێكی هێزەكانی حەشدی شەعبی لە پارێزگای ئەنبار، حەمود ناسراو بە (ئەبو نور) خۆی تەقاندۆتەوە.