عێراق سكاڵا تۆمار دەكات

31/08/2019 - 08:49 بڵاوکراوەتەوە لە هەواڵ/عێراقی

 

 

پەرلەمانتارێكی عێراق دەڵێت، حكومەتی وڵاتەكەی ئامادەكاری دەكات بۆ پـێشكەشكردنی سكاڵایەك بە نەتەوە یەكگرتووەكان پاش ئەوەی گەیشتە ئەو ئەنجامەی ئیسرائیل لە پشت هێرشی سەر بنكەكانی حەشدی شەعبیـیە.

ئاژانسی دەنگ ‌و باسی فرانس پـرێس دەڵێت، (ئەحمەد ئەسەدی) وتەبێژی لیستی فەتح لە پەرلەمان لە لێدوانێكی بۆ ڕۆژنامەوانان لە بەغدا وتی: لێكۆڵینەوەكانی حكومەت بە بەڵگەوە نیشانی دەدەن ئیسرائیل بەرپـرسیارە لە هێرشەكان.

وتیشی: لە ئێستادا حكومەت سەرقاڵی كۆكردنەوەی بەڵگەكانە تاوەكو بتوانێت بەهۆیانەوە سكاڵای خۆی ڕەوانەی نەتەوە یەكگرتووەكان بكات.

ئەسەدی ئاماژەی بۆ ئەوەشكرد، هێشتا نازانرێت ئەمریكا دەستی لەو هێرشانە هەبووە یان نا.

لە مانگی حەوتەوە هەتا ئێستا تەقینەوە لە نێو پێنج بنكەی حەشدی شەعبی ڕوویانداوەو حەشد لای خۆیانەوە ئیسرائیل تاوانباردەكەن، ئەسەدی دەڵێت : تەنیا زیانی لیوایەكی حەشد لە تەقینەوەكانی سەربازگەی سەقەری بەغدا نزیكەی (800) هەزار دۆلار بووە.