فەرمی... وەزارەتی پەروەردە پشووەكانی كەمكردەوە و بریارێكی نوێی دەركرد

05/12/2019 - 09:36 بڵاوکراوەتەوە لە هەواڵ/عێراقی

 

وەزارەتی پەروەردەی حكومەتی عێراق بەشێوەیەكی فەرمی بریاریدا بە كەمكردنەوەی پشووی بەهارە و پێدانی وانەی زیادكراو بۆ قەرەبووكردنەوەی قوتابیان.

ئاژانسی هەواڵی عێراق رایگەیاند : " حەیدەر فاروق بەرپرسی نوسینگەی راگەیاندنی وەزارەتی پەروەردە ئاشكرای كردووە ، بەهۆی خۆپیشاندانەكان و داخستنی بەشێك لە بەرێوەبەرایەتییەكانی پەروەردە بریاریداوە بە كەمكردنەوەی پشووەكانی بەهارە".

راگەیاندنی وەزارەت ئەوەیشی ئاشكراكردووە : " لەكۆتایی ساڵ وانەی زیادە بە قوتابیان دەدرێت ، بۆ قەرەبووكردنەوەی ئەو وانانەی كە بەهەدەردراوە و لەقوتابیان رۆیشتووە".

لەبارەی كاتی تاقیكردنەوەكانی وەرزی كۆتایی ساڵ ، حەیدەر فاروق رایگەیاند : " تا ئێستا بریاری كۆتایی نەدراوە لەبارەی وادەكە چونكە لەكاتی خۆی بریاری لەسەر دەدرێت".