حەوت ئەندامی یەك خێزان كوژران

یەک شەممە, 16 تەمموز 2017 19:51

 

ئەفسەرێكی عیراق ئاشكرای دەكات، لەئاكامی تەقینەوەی بۆمبێكی چێنراوی داعش لەموسڵی كۆن، حەوت ئەندامی یەك خێزان كوژران.


نەقیب محەمەد عۆدە خەفاجی ئەفسەر لە هێزەكانی سواتی عیراق رایگەیاند، بۆمبێك كە بەشێوازێكی مۆدێرن دروستكرابوو، لەلایەن چەكدارانی داعش لە یەكێك لە كۆڵانەكانی ناوچەی مەیدان لە موسڵی كۆن چێنرابوو، بە خێزانێكدا تەقییەوە، ئەو خێزانەی بۆمبەكەیان پێدا تەقیوەتەوە هەوڵیانداوە لەو گەڕەكەوە خۆیان بگەیەننە ناوچەیەكی ئارام، بەڵام لە كاتی هاتنەدەرەوەیان لەماڵەكەیان بۆمبەكە بە خێزانەكەدا تەقیوەتەوەو بەهۆیەوە سەرجەمیان كوژراون كە لە پیاوێك و هاوسەرەكەی و پێنج منداڵ پێكهاتبون.


خەفاجی وتیسی: هێزەكان بە هەماهەنگی تیمەكانی فریاگوزاری تەرمی كوژراوەكانیان گواستەوە بۆ ناحییەی حەمام عەلیل لە باشوری موسڵ.