سەدرو حەكیم بۆ هەڵبژاردنەكان كۆبوونەوە

هەینی, 02 شوبات 2018 16:58

 

 


(موقتەدا سەدر) ڕێبەری ڕەوتی سەدر لە عێراق و (عەمار حەكیم) سەرۆكی ڕەوتی حیكمەی نیشتمانی دیداریان كردو سەبارەت بە دوایین گۆڕانكارییە سیاسی و ئەمنییەكانی عێراق و ناوچەكە وتووێژیان كرد.

دیداری نێوان سەدرو حەكیم لەشاری نەجەف بەڕێوەچووە، ئامادەسازی بۆ هەڵبژاردنەكان تەوەری سەرەكی گفتوگۆكانی نێوانیان بووە.

هەروەها دوو لایەنەكە لەسەر ئامادەكردنی كەشی هەڵبژاردنەكان تەئكیدیان لەسەر بەرنامەی خزمەتگوزاری ڕوون و كێبڕكێی تەندروست كردەوە.

هاوكات جەخت لەسەر پێكهێنانی دەوڵەتێكی بەهێز كە بتوانێت بەبێ جیاوازی لە نێوان چین و توێژەكان خزمەتگوزاری بكات، لە تەوەرێكی تری باسەكانی ئەو دیدارە بووە.

 

ئـ . كـ