بە پاساوی ناتۆ ، ئەمریكا دەیەوێت بەشێوەیەكی درێژخایەن لە عێراقدا بمێنێتەوە

پێنج شەممە, 08 شوبات 2018 09:46


ئاژانسی هەواڵی ڕۆیتەرز بڵاویكردۆتەوە ، ئەمریكا فشاری زیاتری خستوەتە سەر هاوپەیمانە ئەوروپیەكانی لە پەیمانی باكوری ئەتڵەسی ناسراو بە ناتۆ، بۆ ئەوەی ئەركی درێژخایەن لە عێراق وەربگرن.


ڕۆیتەرز لە زاری دیلۆماتە ئەمریكیەكانەوە بڵاویكردۆتەوە ، داواكاراوە لە ئەندامانی ناتۆ ئەركی درێژخایەنی ڕاهێنەرایەتی و ڕاوێژی هێزە عێراقیەكان لە ئەستۆ بگرن ئەمەش هاوشێوەی بوونی ئەو هێزانە دەبێت لە وڵاتی ئەفغانستان.

ئاماژە بەوەكراوە، جیمس ماتیس وەزیری بەرگری ئەمریكا بە فەرمی نامەیەكی ئاڕاستەی بارەگای ناتۆ كردووە بۆ ئەوەی نوێنەرایەتی هەمیشەیی لە عێراق بكەنەوە.


ئەم هەنگاوەی ویلایەتە یەكگرتووەكانی ئەمریكا مەبەست لێ ی ئامادەسازیە بۆ مانەوەی درێژخایەنی ئەمریكا لە عێراق كە ئەمەش لەلایەن گروپە شیعیەكانەوە دژایەتی دەكرێت و هەڕەشەی كاردانەوەی سەربازی دەكەن.