پەنتاگۆن: حەشدی شەعبی چەكی ئەمریكی بەكارهێناوە

شەممە, 10 شوبات 2018 08:10

 


بۆ یەكەم جار وەزارەتی بەگری ئەمریكا ناسراو بە پەنتاگۆن دانی بەوەدا نا كە میلیشیاكانی حەشدی شەعبی چەك و تەقەمەنی دروستكراوی ئەمریكیان بەكارهێناوە بەتایبەت تانكی جۆرای ئەبرامز كە پێچەوانەی ئەو گرێبەستەیە لەگەڵ عێراق لەوبارەوە كراوە.


ئاریك باهۆن وتەبێژی پەنتاۆن لە بەیاننامەیەكدا ڕاگەیاندووە: تانكی جۆری ئەبرامز بە حكومەتی عێراق فرۆشراوە لە چوارچێوەی گرێبەستێك لەگەڵ حكومەتی عێراق بەڵام لەلایەن میلیشیاكانی حەشدی شەعبی نزیك لە ئێران بەكارهێنراوە.


بە گوێرەی گرێبەستەكەی نێوان ئەمریكا و عێراق پێویستە ئەو تانكانە تەنها لەلایەن سوپای عێراقەوە بەكاربهێنرێن، بەڵام بە گوێرەی زانیاریەكانی پەنتاگۆن چەند جارێك ئەو تانكانە بەدەست حەشدی شەعبیەوە بینراون.


وتەبێژەكەی پەنتاگۆن دوپاتیشی كردەوە بەردەوام دەبین لە چاودێریەكانمان و بەم دواییانەش سەرجەم ئەو تنكانە بۆ سوپای عێراق گەڕێنراونەتەوە".


پێشتر وەزارەتی پێشمرگە لەسەروبەندی ڕوداوەكانی 16ی ئۆكتۆبەر ڕایگەیاند حەشدی شەعبی تانگی ئەبرامزی دژی پێشمەرگە بەكارهێناوە و لە شەڕی پردێش تانكێكی ئەمریكیان تێكشاند.