كاندیدەكانی هەڵبژاردنی عێراق بە چوار قۆناغی وردبینیدا دەڕۆن

یەک شەممە, 11 شوبات 2018 10:29

 

ڕۆژنامەی حەیاتی لەندەنی لە ژمارەی ئەمڕۆ یەك شەممەدا بڵاویكردەوە لیستی ناوی كاندیدانی هەلبژاردنی پەرلەمانی داهاتووی عێراق كە بڕیارە مانگی ئایاری داهاتوو بەڕێوەبچێت بەچوار قۆناغی وردبینی و پشكنین دا دەڕۆن كە وردبینی كردنی بڕوانامەكان و دۆسیەی تاوان یەكێكن لە قۆناغەكان.


ڕۆژنامەكە لە زاری سەرچاوەیەكی كۆمسیۆنی بڵاوە ئاشكرای كردووە پرۆسەی وردبینی كردنی ناوی كاندیدان پرۆسەیەكی ئاڵۆزە و ژمارەی كاندیدانیش هەزاران كەس تێ دەپەڕێنن.


ئاشكرای كردووە، سەرەتا لیستی ناوەكان دەدرێتە دەزگای ئەمنی و قەزائیەكان بۆ ئەوەی دڵنیا ببنەوە لە نەبوونی دۆسیەی تاوان، پاشان دەستەی لێرپسینەوە و دادپەروەری كە تایبەتە بە ڕیەشكێشكردنی بەعس بەدواداچوون دەكات بۆ ئەوەی ئەندامانی پێشووی حیزبی بەعس ناویان لە لیستەكاندا نەبن.


هەروەك وەزارەتی خوێندنی باڵا وێستەگەیەكی دیكەی وردبینی دەبێت و پێیویستە بە پێی یاسای نوێی هەڵبژاردن كاندیدی هەلچبژاردن لە بڕوانامەی بەكالۆریۆس كەمتری نەبێت.