نیۆرك تایمز: كۆنگرەی كوەیت شكستی هێناوە و تەنها 4 ملیار دۆلار بۆ عێراق كۆكراوەتەوە

چوار شەممە, 14 شوبات 2018 08:16

 

 

ڕۆژنامەی نیۆرك تایمز شكستی كۆنگرەی كوەیت بۆ ئاوەدانكردنەوەی عێراق ئاشكرا دەكات و ڕایدەگەیەنێت لەگەڵ ئەوەی بڕیاربووە لانی كەم 88 ملیار دۆلار هاوكاری كۆبكرێتەوە بەڵام تاوەكو ڕۆژی دووەم تەنها 4 ملیار دۆلار كۆكراوەتەوە.


نیۆرك تایم لە ژمارەی ئەمڕۆ چوار شەممەدا ڕاپۆرتێكی لەسەر كۆنگرەی كوەیت بۆ ئاوەدانكردنەوەی عێراق بڵاوكردۆتەوە و پێی وایە تاوەكو بەڕێوەچوونی ڕۆژی دووەمی كۆنگرەكە كە بڕیارە ئەمڕۆ كۆتایی پێ بهێنرێت، گومانی شكستی كۆنگرەكە زیاترە تاوەكو سەركەوتنی چونكە عێراق بەنیازی كۆكردنەوەی 88 ملیار دۆلارە و پێ ناچێت كەمترین بریش لەو پارەیە كۆبكرێتەوە.


ڕۆژنامەكە نوسیویەتی: تاوەكو ڕۆژی دووەمی كۆنگرەكە تەنها 4 ملیار دۆلار كۆكراوەتەوە و ئەمریكاش ئامادەنەبووە هیچ بڕە پارەیەك پێشكەش بكات.و ئەمەش زەبرێكی گەورەیە بەر حكومەتی عێراق دەكەوێت چونكە خۆی ناتوانێت بچێتە ژێر باری ئاوەدانكردنەوەی ئەو ناوچانەی بەهۆی شەڕی داعش ەوە وێران بوون.


بڕیارە ئەمڕۆ چوار شەممە كۆتایی بەكارەكانی كۆنگرەی كوەیت بۆ ئاوەدانكردنەوەی عێراق بهێنرێت كە ڕۆژی دوو شەممە دەستی بەكارەكانی كرد بە بەشداری دەیان وڵاتی كۆمەك بەخش و كۆمپانیا و كەسایەیتە جیهانیەكان.