ئێران نهێنییەك لەبارەی لە سێدارەدانی سەدام حوسێن بڵاودەكاتەوە

سێ شەممە, 20 شوبات 2018 07:38

 

 

گەورە بەرپرسێكی ئێران رایگەیاند، توانیمان سەرۆكی ڕژێمی بەعس لەسێدارە بدەین و دەستبگرین بەسەر پێنج وڵاتی ناوچەكەش.

(رەحیم پور ئازغەندی) ئەندامی پێشووی ئەنجوومەنی باڵای شۆرشی ئیچران لە دیدارێكی تەلەفزیۆنی (ئوفوق) ی وڵاتەكەی پەردەی لەسەر چەند نهێنییەك هەڵداوەتەوەو ئاماژەی بەوەكردووە، ئێران توانی (سەدام حوسێن) ی سەرۆكی ڕژێمی بەعس لەسێدارە بدات، لەگەڵ ئەوەی ئەمریكییەكان دەنگۆی هەوڵەكانیان بۆ لەسێدارەدانەكە بڵاوكردبوویەوە، بەڵام ئەوە ئێرانییەكان بوون نەوەكو ئەوان.

هەروەها ئەو بەرپرسە باڵایەی ئێران باسی لەوەشكردووە، ئەوان توانیویانە بچنە نێو ئەو وڵاتانەی كە هاوپەیمانی ئەمریكا بوون لەناوچەكەو ئێستاش پێنج وڵاتی ناوچەكە لە ژێر كۆنترۆڵی ئێراندایە.

رەحیم پور باسی لەوەشكردووە، كە هەموو مەبەستی ئەوان جارێكی تر زیندو كردنەوەی ئیمپراتۆری فارسییە لەناوچەكەدا.

 

ئـ . كـ