هەماهەنگی نێوان پۆلیسی فیدراڵی و داعش ئاشكرا دەبێت

چوار شەممە, 21 شوبات 2018 06:32

 

 

 

لەچەند رۆژی رابردوودا چەند تیرۆرستێكی دەستگیركراو بۆ وەرگرتنی چارەسەر رەوانەی نەخۆشخانەی ئازادی دەكرێن لە كەركوك، بەڵام لەلایەن پۆلیسی فیدراڵی هەوڵی كوشتنیان شكست دێنێت.

رۆژنامەنووس (موحەمەد فائیق) لە پەیجی خۆی بڵاویكردۆتەوە، چەند رۆژی رابردوو چەند تیرۆرستێكی دەستگیركراو بۆ وەرگرتنی چارەسەر رەوانەی نەخۆشخانەی ئازادی دەكرێن، بەڵام پۆلیسی فیدراڵی هەوڵی كوشتنی ئەو تیرۆرستانە دەدات، بەڵام شكست دێنن.

ئەو رۆژنامەنووسە نوسیویەتی، لەكاتێك تیرۆرستەكان لە نەخۆشخانە خەوێندراون، ئەفسەرێك و سێ‌ پۆلیسی فیدراڵی دەچنە نێو نەخۆشخانەكە بۆ كوشتنی ئەو سێ‌ تیرۆرستە، بەڵام كاتێك پۆلیسی پاسەوانی ئەو چەكدارانە دەزانن، دەكەونە خۆو سێ‌ پۆلیسەكە رادەكەن و ئەفسەرەكەش دەستگیر دەكرێت.

لەبارەی هۆكاری ئەو هەوڵە، باس لەوەكراوە، كە ئەو چەكدارە تیرۆرستانە هەماهەنگیان لەگەڵ چەندین ئەفسەرو پۆلیسی فیدراڵی كردووە، بۆیە نەوەكو چەكدارەكان ئەوان ئاشكرا بكەن، ویستوویانە بیانكوژن و ڕێگەیان نەدەن زانیاریان لەسەر بڵاو بكەنەوە.

 

ئـ . كـ