پەسەندكردنی بودجە بەدوور دەزاندرێت

شەممە, 24 شوبات 2018 06:40

 

 

چاوەڕوان دەكرێت سێشەممەی ئەم هەفتەیە ئەنجوومەنی نوێنەرانی عێراق كۆببێتەوەو هەوڵیش دەدرێت تاكو پڕۆژە یاسای بودجە پەسەند بكرێت.

پەسەند كردنی پڕۆژە یاسای بودجەی (2018) نزیكەی سێ‌ مانگە دواكەوتووە، ئەوەش بەهۆی نیگەرانییەكانی كوردو سوونە دێت.

كۆتاییەكانی ساڵی رابردوو بەفەرمانی (حەیدەر عەبادی) سەرۆك وەزیران بەشی بودجەی هەرێم لە (%17) ەوە كرایە (%12.6)، ئەوەش نیگەرانی كوردی لێكەوتەوە، سونییەكانیش داوا دەكەن بەشە بودجەیان بۆ بەرز بكرێتەوە تاكو بەشی ئاوەدان كردنەوەی ناوچە وێرانكراوەكانیان بكات.

بەپێی زانیارییەكان، هەوڵێك هەیە بۆ تێپەڕاندنی پرسی بوودجە لە ئەنجوومەنی نوێنەرانی عێراق بەبێ رازیبوونی نوێنەرە كوردەكان، ئەوەش بەدوورداندراوە بەو پێیەی تاكو ئێستا داواكاری سوونەكانیش جێبەجێنەكراوە، ئەوەش دەبێتە هۆی تەواو نەبوونی نیسابی یاسایی.

 

 

ئـ . كـ