موڵك و ماڵی بەرپرسانی پێشووی عێراق دەستی بەسەردا دەگیرێت

سێ شەممە, 06 ئازار 2018 05:59

 

 

لێژنەی لێكۆڵینەوەی دادگای عێراق لەنامەیەكیدا بۆ حكومەت داوای كردووە كە دەست بەسەر خانوو و دارایی بەرپرسانی سەردەمی ڕژیمی بەعسدا بگیردرێت.

بەپێی هەواڵێكی ئاژانسی سپۆتنیك، لێژنەی لێكۆڵینەوەی دادی عێراق لە میانەی نامەیەك بۆ وەزیری دارایی و دادو كشتوكاڵ ناوی هەموو بەرپرسانی سەردەمی ڕژێمی بەعس و كەسە نزیكەكانی ئەوانی ڕادەست كردووەو داواشی كردووە دەست بەسەر موڵك و ماڵی سەرجەم بەرپرسانی ئەو ڕژێمەدا بگیرێت.

لە لیستەكەدا ناوی (سەدام حوسێن) و خانەوادەكەی لەسەرەوە هاتوەو دواتر (عەلی حەسەن مەجید) ئامۆزای (سەدام حوسێن) كە لە ساڵی (2010) لە سێدارە دراو (بەرزان ئیبراهیم حەسەن تكریتی) زڕبرای (سەدام حوسێن) لە ساڵی (2007) لە سێدارە دراون، ناوی كەس و كاری ئەم دوو بەرپرسە كۆنەی عێراق لەم نامەیەدا دەبینرێت.

هەروەها لەم نامەیە ناوی (عەبد مەحمود) جێگری تایبەتی سەدام كە لە ساڵی (2012) لە سێدارەدرا دەبینرێت، هەروەها ناوی كەس و كاری (تارق عەزیز) كە بەرپرسی پێشووی حكومەتی عێراق بوو لەم نامەیەدا هاتووە، عەزیز ساڵی (2015) لە زینداندا مرد.

ئەمەو بەپێی نووسراوەكە (4200) بەرپرسی بەعس و سەردەمی ڕژێمی بەعس ئەم بڕیارە دەیانگرێتەوە.

 

ئـ . كـ