سەرجەم سندوقەكان دەستی بەسەرداگیرا، لیژنەیەكی باڵا گەشتە كەركوك

دوو شەممە, 14 ئایار 2018 06:54

 


حەیدەر عەبادی سەرۆك وەزیرانی عێراقی ئێوارەی دوێنێ یەك شەممە فەرمانیدا بە گرتنە بەری ڕێوێشوێنی توند بۆ پاراستنی ئارامی كەركوك و داوای لە كۆمسیۆنی باڵای هەلچبژاردنەكان كرد پەلە بكات لە پشكنینی سندوقەكانی دەنگدان و سكاڵاكان و ئاشكراكردنی ئەنجامەكان بۆ ڕای گشتی ، هەروەك ئێوارەی دوێنێ لیژنەیەكی باڵای كۆمسیۆن گەشتە كەركوك و دەستی بەكارەكانی كرد بۆ ئاشكراكردنی ڕاستیەكان و ساختەكاریە بەرچاوەكان.


لای خۆیەوە فەوزی ئەكرەم تەرزی سەركردەی دیاری توركمانەكان ڕایگەیاند: ئێوارەی دوێنێ لیژنەی باڵای كۆمسیۆن بۆ لێكۆڵینەوە لە ساختەكاریەكان ئێوارەی دوێنێ یەك شەممە گەشتە شاری كەركوك و دەستی بە كارەكانی كردووە لەسەر ئەژماركردنەوەی دەنگەكان.


هەروەك بە پێی بڕیاری كۆمسیۆنی باڵای هەڵبژاردنەكان بڕیاردرا بە دەستگرتن بەسەر سەرجەم سندقوكانی دەنگدان لەشاری كەركوك.


جێگای ئاماژەبۆكردنە یەكێتی نیشتیمانی زۆرترین تۆمەتی ساختەكاری ئاراستە دەكرێت لە هەڵبژاردنەكاندا چونكە لە چەندین ناوچەی عەرەبی و توركمانی پلەی یەكەمی بەدەستهێناوە كە تەنها یەك دانیشتوانی كوردی لێ نیە.