عێراق سەركۆنەی هێرشی سەر حەشدی شەعبی دەكات

سێ شەممە, 19 حوزەیران 2018 06:09

 

 

دوای ئەوەی چەكدارانی حەشدی شەعبی لەناوچە سنوورییەكانی عێراق و سوریا بۆردومان كران و بەپێی زانیارییەكان ژمارەیەك كوژراوو برینداری لێكەوتەوە، وەزارەتی دەرەوەی عێراق بەیاننامەیەكی بڵاوكردەوە.

لەمیانەی بڵاوكردنەوەی بەیاننامەیەك، وەزارەتی دەرەوەی عێراق سەبارەت بە هێرشەكانی سەر حەشدی شەعبی رایگەیاندووە، پێویستە هەماهەنگی لە نێوان هێزی ئاسمانی هاوپەیمانان و ئەو هێزانەدا هەبێت كە شەڕی داعش دەكەن لە سەر سنووری نێوان سوریاو عێراق.

وەزارەتی دەرەوەی عێراق راشیگەیاندووە، ئیدانەی هێرشەكەی دوێنێ بۆ سەر چەكدارانی حەشدی شەعبی دەكەن لە سەر سنووری سوریا.

ئەمەو تاكو ئێستا روون نییە كە فڕۆكەی چ وڵاتێك بۆردومانی چەكدارانی حەشدی شەعبی كردووە لەناوچەی ئەلبوكەمال، بەڵام بەرپرسێكی ئەمریكی رایگەیاندووە، گومان دەبەن ئیسرائیل ئەو هێرشەی ئەنجامدابێت.

 

 

ئـ . كـ