ئەنجومەنی كۆمسیاران کۆبوەوە و چەند بڕیارێكی گرنگی دەركرد

شەممە, 23 حوزەیران 2018 15:38
 ئەمڕۆ شەممە، ئەنجومەنی كۆمسیاران كۆبووەوە و، چەند بڕیارێكی گرنگی لەبارەی ژماردنی دەستیی دەنگەكانەوە دەركرد.

ئەنجومەنی نوێی كۆمسیاران كە لە ژمارەیەك دادوەر پێكهاتووە كۆبووە و، پرسی جیاكردنەوە و ژماردنەوەی دەستیی دەنگەكانی هەڵبژاردنی تاوتوێكرد.

لە كۆبوونەوەكەدا بڕیاردرا لێكۆڵینەوە بكرێت لەرووداوەكەی ئاگرگرتنی كۆگاكانی كۆمسیۆن لە بەغدا، كە بووە هۆی سووتانی بەشێك لە سندوقەكانی دەنگدان، بەگوێرەی بڕیارەكە، لێكۆڵینەوە لەگەڵ سەرجەم ئەو فەرمانبەر و كەسانەدا دەكرێت كە لەكاتی ئاگركەوتنەوەكەدا لەوێبوون، ئەنجومەنەکە بڕیاریشیدا، بە دابینكردنی سەرجەم پێداویستییەكانی جیاكردنەوە و ژماردنەوەی دەنگەكان بەدەست.

بڕیارێكی دیکەی كۆبوونەوەكەی ئەنجومەنی كۆمسیاران ئەوەیە، بەڕێوەبەرە نوێكانی نووسینگەكانی كۆمسیۆن لە پارێزگاكانی عیراقدا كە لە ١٨ دادوەر پێكهاتوون، سەردانی كۆگاكانی هەڵگرتن و پاراستنی سندووقەكانی دەنگدان بكەن و، لە سندووقەكان و ئامێرەكانی وردبینیی ئەلیكترۆنی و كەرەستەكانی تر بكۆڵنەوە. هەروەك شوێنی تایبەت تەرخانبكەن بۆ جیاكردنەوە و ژماردنەوەی دەنگەكان و ئاسایشی ئەو شوێنانە مسۆگەر بكەن.

f.q