ئیسرائیل لەناو خاكی عێراق بۆردومانی كاروانە سەربازییەكان دەكات

یەک شەممە, 22 تەمموز 2018 07:09

 

 

فڕۆكە جەنگییەكانی ئیسرائیل لەناو خاكی عێراق ئامانجی ئێرانی بۆردومان دەكەن، ئەوەش بۆیەكەم جارە هەواڵی لەم شێوەیە بڵاودەكرێتەوە.

رۆژنامەی ئەخباری كوەیتی بڵاویكردۆتەوە، فڕۆكە جەنگییەكانی سوپای ئیسرائیلی بۆردومانی كاروانێكی كردووە كە گومان براوە چەك و جبەخانەی لە ئێرانەوە بۆ نێو سوریا بگوازرێتەوە.

بەپێی هەواڵی ئەو سەرچاوەیە، فڕۆكە ئیسرائیلییەكان بۆردومانەكەیان لەناو سنووری عێراق كردووە، وەكو ناوچە سنوورییەكانی نزیك بەسراو كوەیت.

ئەمەو ئیسرائیل ماوەی دوو ساڵە ئامانجی لە كاروانە سەربازییەكان گرتووە، لەترسی گەیشتنی كۆمەك بۆ چەكدارەكان لە نێو خاكی سوریا.

ئەمەو هەفتەی رابردووش ئیسرائیل بۆردومانی موڵگەیەكی كرد كە چەكدارانی ئێرانی تێدا بووە لەناوچە سنوورییەكانی نێوان عێراق و سوریا.

 

ئـ . كـ