عێراق باڵیۆزێكی نوێی بۆ ئێران دەستنیشان كرد

شەممە, 22 ئەیلول 2018 07:40

 

 

وەزارەتی دەرەوەی عێراق ڕایگەیاند، باڵیۆزێكی نوێی لە ئێران داناوە لە جێگەی (راجح موسەوی) كە بانگهێشت كرابوو بۆ لێكۆڵینەوە.

(ئەحمەد مەحجوب) وتەبێژی وەزارەتی دەرەوەی عێراق لە بەیاننامەیەكدا ڕایگەیاندووە، (سەعد جەواد قەندیل) وەك باڵیۆزی نوێی عێراق لە تاران دەستبەكار بوو لە جێگەی موسەوی.

ئەمەش لە كاتێكدایە وەزارەتی دەرەوەی عێراق ڕایگەیاندووە، باڵیۆزی وڵاتەكەی لە تاران بانگهێشتكردۆتەوە بۆ لێكۆڵینەوە كردن لەگەڵیدا.

مەحجوب وتەبێژی وەزارەتی دەرەوە وتی، وەزارەتی دەرەوە نیگەرانی خۆی دەردەبڕێت سەبارەت بەو هەڵسوكەوتە نابەرپرسانەكەی باڵیۆزەكەی لە تاران لەگەڵ هاوڵاتیانی عێراقی، بۆ ئەو مەبەستەش (ئیبراهیم جەعفەری) وەزیری دەرەوە فەرمانی كردووە بە بانگهێشتكردنەوەی باڵیۆزەكەی لە تاران بە مەبەستی ئەنجامدانی لێكۆڵینەوە لەگەڵیداو گرتنەبەری هەموو ڕێوشوێنێكی یاسایی لە بەرامبەریدا، ئەوەش دوای ئەوەی سوكایەتی بە پۆلێك لەهاوڵاتیانی عێراقی كردبوو لە ئێران.

 

 

ئـ . كـ