وەزیری دەرەوەی فەرەنسا دەگاتە بەغدا

14/01/2019 - 09:56 بڵاوکراوەتەوە لە هەواڵ/عێراقی

 

 

وەزیری دەرەوەی فەرەنسا بە مەبەستی دانوستان لەگەڵ بەرپرسانی عێراق ئەمڕۆ سەردانی بەغدا دەكات.

ئەمڕۆ دووشەممە (جان ئیۆ لۆدریان) وەزیری دەرەوەی فەرەنسا سەردانی بەغدا دەكات و چاوی بە گەورە بەرپرسانی ئەو وڵاتە دەكەوێت.

وەزیری دەرەوەی فەرەنسا لە میانەی ئەم سەردانە لەگەڵ بەرپرسانی باڵای عێراق دیدار دەكات و سەبارەت بە پەیوەندی نێوان هەر دوو وڵات گفتوگۆ دەكرێت.

دوێنێ‌ لۆدریان لە میانەی گەشتێكیدا بۆ ئەردەن لەگەڵ (عەبدولڵای دووەم) پاشای ئەم وڵاتە دیداری كردو سەبارەت بە پەیوەندییە ستراتیژییەكانی هەر دوو وڵات و ناوچەكە گفتوگۆیان كرد.

پاشای ئەردەنیش لەم دیدارە جەختی لەوەكردۆتەوە، كە دەبێت كۆمەڵگەی نێودەوڵەتی ڕێگە چارەیەك بۆ پرسی فەڵەستین بدۆزنەوە، بە تایبەت سازكردنی وڵاتی فەڵەستین بە پایتەختی ڕۆژهەڵاتی قودس دەبێتە هۆی ئاشتی و سەقامگیری لە ناوچەكە.

 

 

ئـ . كـ