ئەمڕۆش پرۆژە یاسای بودجەی 2019 لە دانیشتنی ئەنجومەنی نوێنەران تاوتوێ ناكرێت

19/01/2019 - 13:12 بڵاوکراوەتەوە لە هەواڵ/عێراقی

 


ئەمڕۆ شەممە، ئەنجومەنی نوێنەرانی عێراقی دانیشتنێكی ئاسایی سازدەكات و بۆ جارێكی تری بڕگەی پرۆژە یاسای ساڵی 2019 لە كارنامەی دانیشتنەكە لابراوە كە پێشتر ڕاگەيەنرابوو.


بە گوێرەی كارنامەی دانیشتنی ئەمڕۆی ئەنجومەنی نوێنەران لە 12 بڕگەوە بۆ 7 بڕگە كەمكراوەتەوە.


لابردنی بڕگەی پرۆژە یاسای یودجەی ساڵی 2019 ،پەیوەندیدارە بە ناكۆكی لایەنە سیاسیەكان بە كورد و سونە و شیعەوە لەسەر چەند بڕگەیەكی پرۆژە یاساكە و هەوڵ دەدرێت لەم مانگەدا خوێندنەوەی كۆتایی بۆ پرۆژە یاساكە بكرێت.