پەرلەمانی عێراق لەم هەفتەیەدا دەنگ لەسەر بودجەی 2019 دەدات

21/01/2019 - 09:54 بڵاوکراوەتەوە لە هەواڵ/عێراقی

 

بڕیارە لە ماوەی ئەم هەفتەیەدا ئەنجومەنی نوێنەرانی عێراق كۆ ببێتەوەو دەنگ لەسەر پڕۆژە یاسای بودجەی ساڵی 2019 بدرێت .

 


بە گوێرەی هەواڵی بەشێك لە میدیا عێراقییەكان تاكو ئێستا جیاوازی و ناكۆكی هەیە لەسەر پڕۆژە یاسای بودجە، بە تایبەتی ئەوەی پەیوەستە بە خزمەتگوزاری شارەكان.

 


میدیاعێراقییەكان كە لەزاری سەرچاوەیەكەوە ئاشكرای كردوە، ئەوەشیان خستەڕوو: دەنگدان لەسەر پڕۆژەیاسای بودجەی ئەمساڵ دواكەوتوە، ئەویش بەهۆی نەگەیشتنی داتای كۆتایی تایبەت بە دامەزراوەكان و وەزارەتەكانی ووڵات ، چونكە ئەم دامەزراوانە پلانێكی داراییان نەبووە.

 


ئەوەشخراوەتەڕوو: كار لەسەر ئەوە كراوە كە زۆربەی بڕگە و ماددەكانی بودجەی بگۆڕێن و بە شێوەیەكی باشتر بخرێنەڕوو، زیاتریش كار لەسەر ئەو بڕگە و ماددانەی بودجە كراوە كە پەیوەستن بە خزمەتگوزارییەكان.

 


ئەو سەرچاوەیە ئاماژەی بەوەشكرد: پێدەچێت لە كۆتایی ئەم هەفتەیە دەنگ لەسەر بودجە بدرێت و ئەگەرنا دەكەوێتە رۆژی سێ شەممەی هەفتەی داهاتوو .

 

 

 

 

س ب