كه‌سێك منداڵێكی كچ ده‌رفێنێت و ده‌ستدرێژی ده‌كاته‌ سه‌ر

22/01/2019 - 11:27 بڵاوکراوەتەوە لە هەواڵ/عێراقی

دوای ئەوەی كەسێك  منداڵێكی كچ لەشاری بەغدا دەڕفێنێت و دەستدرێژی سێكسی دەكاتەسەر، دوای ئەنجامدانی كارەكەی له‌لایه‌ن پۆلیسه‌وه‌ دەستگیردەكرێت.

راگەیاندنی پۆلیسی فریاكەوتنی بەغدا لەبەیاننامەیەكدا رایگه‌یاندوه‌ هێزەكانی پۆلیسی فریاكەتن توانیویانە لەناوچەی دۆرە كەسێك دەستگیربكەن، كە ماوەیەكی كەم پێش دەستگیركردنەكەی، كچێكی منداڵی لەدایكبووی ساڵی 2006ی رفاندبوو.

بەپێی زانیارییەكانی پۆلیس، ئەو كەسە دەستدرێژی سێكسی كردبوەسەر منداڵەكە و دوای ئەنجامدانی تاوانەكەی،گەڕان و پشكنین ئەنجامدراوە و تۆمەتباره‌كه‌ دەستگیركراوە.

ئاشكراشیده‌كات: لەكاتی دەستگیركردنیدا، تۆمەتبار دانی ناوە بەتاوانەكەیدا و رادەستی بنكەی پۆلیسی ناوچەكە كراوە.

 

هونه‌ر بانه‌گوڵانی