ئیسرائیل نهێنییەكەی سەردانی پۆمپیۆ بۆ بەغدا ئاشكرا دەكات

12/05/2019 - 09:09 بڵاوکراوەتەوە لە هەواڵ/عێراقی

 

 

ماڵپەرێكی ئیسرائیلی رایگەیاندووە، وەزیری دەرەوەی ئەمریكا بەكارێكی زۆر بە بەپەلەو نهێنی سەردانی بەغدای كردووە.

(مایك پۆمپیۆ) هەفتەی رابردوو بەشێوەیەكی لەناكاو سەردانی بەغدای كردو لەگەڵ گەورە بەرپرسانی ئەو وڵاتە كۆبوویەوە، ماڵپەرێكی ئیسرائیلیش نهێنییەكانی ئەو سەردانەی ئاشكرا كردووە.

ماڵپەڕی دێبكای ئیسرائیلی بڵاویكردۆتەوە، زانیاری ئەوە هەبووە كە گروپێك چەكداری عێراقی بۆ بەرژەوەندی ئێران نیازیان وابووە هێرش بكەنە سەر بنكەیەكی سەربازی ئەمریكی لەسەر سنووری سوریا.

سەرچاوە ئیسرائیلییەكە بڵاویكردۆتەوە، كە زانیارییەكان لەلایەن ژەنەرال (كینیت ماكنزی) فەرماندەی سوپای ئەمریكا لە عێراق ئاشكرا كراوە، بۆیە ئەمریكا بە سوپایەكی بەهێزەوە بۆ هەر ئەگەرێكی لەناكاو ڕووی لە ناوچەی خۆرهەڵاتی ناوەڕاست كرد.

هەروەها باسی ئەوەشكراوە، كە دوای وەرگرتنی زانیارییەكان، كۆبوونەوەیەكی بەپەلە لەبەرواری (29/4) لە بارەگای ئاژانسی هەواڵگری ئەمریكا بۆ ئەو مەبەستە سازكراوە.

ماڵپەری دێبكای ئیسرائیلی لەكۆتاییدا نووسیویەتی، ئێران موشەكی بالیستی داوەتە ئەو گروپە چەكدارە عێراقییە، لەنێویاندا مووشەكی (فاتح)، ئەوەش بۆ كاتێك بووە كە ئەگەر ئەمریكا پەلاماری سوپای ئێرانی دا.