سەدر : گەندەڵی و دەست تێوەردان تەنگی بە گەلانی عێراق هەڵچنیوە

08/06/2019 - 08:57 بڵاوکراوەتەوە لە هەواڵ/عێراقی

 

 

سەرۆكی ڕەوتی سەدر لە عێراق رایگەیاند، هاوڵاتیان بەدەست گەندەڵی و دەست تێوەردانی دەرەكی و مۆنۆپۆلی حزبەكانەوە دەناڵێنن.

(موقتەدا سەدر) سەرۆكی ڕەوتی سەدر لە عێراق لە تویتەری خۆی بڵاویكردۆتەوە، گەلانی عێراق بەدەست گەندەڵی و دەستتێوەردانی وڵاتانی دوورو نزیك لەكاروبارەكانیان و مۆنۆپۆلی حزبەكان بۆ هەموو جومگەكانەوە دەناڵێنن.

سەدر باسی لە دۆخی نالەباری زۆربەی وڵاتانی عەرەبی كردووە، كە بەدەست چەندین گرفتەوە گرفتار بوون.

لەكۆتاییدا (موقتەدا سەدر) پرسیاری كردووە، كە ئایا لەنێو ئەو هەموو ووڵاتەدا كەسێكی دادپەروەر نییە حوكمڕانیان بكات.