زیاتر لە (37) هەزار دۆنم زەوی كشتوكاڵی سووتاوە

09/06/2019 - 10:30 بڵاوکراوەتەوە لە هەواڵ/عێراقی

 

 

بەڕێوەبەرایەتی بەرگری شارستانی عێراق ئاشكرای دەكات، لە ماوەی یەك مانگدا (272) حاڵەتی ئاگركەوتنەوە لە زەوییە كشتوكاڵییەكان هەبووەو بەهۆیەوە زیاتر لە (37) هەزار دۆنم زەوی سوتاوون.

بەڕێوبەرایەتی گشتی بەرگری شارستانی عێراق لە ڕاگەیەندراوێكیدا ئاماری حاڵەتەكانی ئاگركەوتنەوەی لە ماوەی نێوان (8/5 – 8/6) ی بڵاوكردەوە.

بەپێی ئامارەكە لەو مانگەدا، (272) حاڵەتی ئاگركەوتنەوە لە كێڵگە كشتوكاڵییەكان كەوتۆتەوە، كە (74) حاڵەتیان بەهۆی كارەباوە دروستبووە، (35) حاڵەتیان بەمەبەست و (25) حاڵەتیشیان بەهۆی شۆرتی كارباوە بووە لە دەڕاسەدا، هەروەها (22) حاڵەت بەهۆی فڕێدانی جگەرەوەو (32) حاڵەتی بەهۆی سەرچاوەی دەرەكی و (84) حاڵەتیش تا ئێستا دیار نەبووەو لێكۆڵینەوە هۆكارەكەیان دەكرێت.

هەربەپێی ڕاگەیەندراوەكە، بەهۆی ئەو حاڵەتانەوە، (37) هەزارو (86) دۆنم زەوی كشتوكاڵی سوتاوون و (992) هەزارو (344) دۆنم دەغڵودانیش لە سووتان ڕزگار كراون.

ڕوونیشیكردەوە، هۆكاری ئاگركەوتنەكان (74) حاڵەتیان بەهۆی شۆرتی كارەباوە بووە و (35) حاڵەتیان بە ئەنقەسبووە.