داوا دەكرێت ئەم رۆژە بكرێتە پشوی فەرمی

11/06/2019 - 16:59 بڵاوکراوەتەوە لە هەواڵ/عێراقی

دوای ئەوەی لەسەرەتایی مانگی حوزەیران شاری موسڵ كەوتە دەست رێكخراوی تیرۆرستی داعش ە بەفەتوایەكی گەورە مەرجەعی شیعە لە (14) هەمان مانگ فەرمانی جیهاد كردن دژی داعش راگەیاندرا و حەشدی شەعبی درووست بوو ، بەم بۆنەیە ژمارەیەك لە پەڕلەمانتارانی عیراق واژۆیان كۆكردۆتەوە بۆ ئەوەی ئەم رۆژە بكرێتە پشووی فەرمی و لە ریزی بۆنە نیشتیمانیەكان ئەژمار بكرێت.

بەگوێرەی یاداشتێك واژۆی چەند پەڕلەمانتارێكی لەسەرە و ئاڕاستەی سەرۆكایەتی ئەنجومەنی نوێنەران كراوە، داوا كراوە ڕۆژی (14-6) ی هەموو ساڵێك، وەك بۆنەی نیشتمانی بەناوی فەتوای جیهادی و دامەزراندنی حەشدی شەعبی بناسێنرێت و بكرێتە پشووی فەرمی.

داواش كراوە ئەم نوسراوە ئاراستەی ئاراستەی ئەنجوومەنی وەزیران بكرێت بۆ ئەوەی هاوشێوەی ڕۆژی دامەزراندنی سوپای عیراق و ڕۆژی دامەزراندنی پۆلیس، رۆژی دامەزراندنی حەشدی شەعبی بناسرێت و بكرێتە پشوو .

لەلایەن خۆیەوە محەمەد حەلبوسی، سەرۆكی پەڕلەمان بڕیاری داوە ئەو بابەتە بخرێتە بەرنامەی كاری كۆبوونەوەی ڕۆژی پێنج شەممە (13-6-2019) بۆ ئەوەی گفتوگۆی لەسەر بكرێت .

 

 

ئەلبوومی وێنەکان