مانگی ڕابردوو داهاتی نەوت زیاتر لە ٣ ملیار دۆلار بووە

دوو شەممە, 02 ئایار 2016 08:02

وتەبێژی وەزارەتی نەوتی عێراق ڕایگەیاند مانگی ڕابردوو عێراق زیاتر لە ٣ ملیار دۆلار داهاتی لە ڕێگەی هەناردەكردنی نەوتەوە دەستكەوتووە.

ئەمڕۆ یەكشەممە ١ی ئایاری ٢٠١٦ عاسم جیهاد وتەبێژی وەزارەتی نەوتی عیراق ڕایگەیاند داهاتی هەناردەكردنی نەوتی لە مانگی نیساندا بۆ ٣ ملیارو ٣٦٠ ملیۆن دۆلار بەرز بووەتەوە.

عاسم جیهاد ئاماژەی بەوەكرد ئاستی هەناردەكردنی ڕۆژانەی نەوت سێ ملیۆن ٣٦٠ هەزار بەرمیل نەوتی ڕۆژانە بووە.

لە بارەی نرخی هەر بەرمیلێك نەوت ڕایگەیاندووە  تێكڕا بە ٣٣ دۆلار ٢٦ سەنت فڕۆشراوە.

وتەبێژی وەزارەتی نەوتی عێراق ئەوەشی خستوەتەڕو كە ئاستی هەناردەكردنی نەوت بەراورد بە مانگی ئازار زیادی كردووە، بەو پێیەی لە ئازاردا ڕۆژانە ٣ ملیۆن ٢٨٠ هەزار بەرمیل ڕۆژانە هەناردەكراوە.