ئەنجوومەنی نوێنەران متمانەی بەخشییە 3 وەزیر

24/06/2019 - 19:06 بڵاوکراوەتەوە لە هەواڵ/عێراقی

 

 

ئەنجوومەنی نوێنەرانی عێراق، متمانەی بەخشییە كاندیدانی وەزارەتەكانی (داد، بەرگریی و ناوخۆ) ی كابینە وزارییەكەی (عادل عەبدولـمەهدی) بەمەش تەنها وەزارەتی پەروەردە بە بێ وەزیر ماوەتەوە.

ئەمڕۆ، ئەنجوومەنی نوێنەرانی عێراق بۆ بەخشینی متمانە بە كاندیدانی ئەو وەزارەتانەی تاوەكو ئێستا پڕنەكراونەتەوە، كۆبوویەوەو لەكۆی چوار وەزارەت متمانەی بەخشییە كاندیدی سێ وەزارەت.

ئەمەو هەریەكە لە حاكم (فاروق ئەمین) كاندید لە پشكی كورد بۆ وەزیری داد، (نەجاح شەمەری) كاندید لە پشكی سوننە بۆ وەزیری بەرگری و (یاسین یاسری) كاندید لە پشكی شیعە بۆ وەزیری ناوخۆ، متمانەی ئەنجوومەنی نوێنەرانیان بەدەستهێناو بوونە وەزیر.

هەروەها (سەفانە حوسێن) كاندیدی سوننەكان بۆ وەزیری پەروەردە نەیتوانی متمانەی ئەنجوومەنی نوێنەران بەدەستبهێنێت و ڕەتكرایەوە.

جێگەی ئاماژەیە، كە پۆستی وەزارەتی داد لە نێوان یەكێتی و پارتیدا ناكۆكی زۆری لەسەر بوو، ئێستاش دانانی حاكم (فاروق ئەمین) كاندید لە پشكی كورد بۆ وەزیری داد، بە یەكێتی هەژمار دەكرێت.