بتنێ د سالەكێ دا 20 روژنامەڤان لڤی وەلاتی هاتینە كوشتن

هەینی, 06 ئایار 2016 04:52

رەوانگەها عێراقیی بۆ ئازادیا رۆژنامەڤانیێ ئاشكرا كر ، دماوێ ساڵەكێدا 20 رۆژنامەڤان و كامێرەڤان لە عێراقێ هاتینە كوشتن .

د راگەهاندنەكێ دا ، هادی مەرعی، سەرۆكێ روانگەها عێراقێ بۆ ئازادی رۆژنامەڤانیێ دیاركر ، ل 3ی هەیڤا ئەیارا 2015 تاوەكو 3 ئەیارا 2016، (20) رۆژنامەڤان و كامێرەڤان ل ناوچەیێن جودا جودایێن عێراقێ هاتینە كوشتن .
ب گوتنا سەرۆكی روانگەها عێراقێ بۆ ئازادیا رۆژنامەڤانیێ ، ل ساڵی 2003 وەرە و تاوەكو نوكە (435) رۆژنامەڤان ل عێراقێ بتنێ ، هاتینە كوشتن .
هادی مەرعی ئاماژە ب وێكر : دڤی ماوەیدا ب دەهان رۆژنامەڤان كەفتینە بەر هێرشان و هاتینە دادگەهكرن ، و توشی ئەشكەنجەدانێ ژی بینە ، دیسان رێگریێ ژی ل وان هاتیە كرن كو رومالا رویدانا بكن .
حسن یاسین
ژیدەر / ئاژانسا خەبەر یا عیراقی