راگەیەنراوێك لەوەزارەتی كارەوە

16/05/2016 - 11:16 بڵاوکراوەتەوە لە هەواڵ/كوردستانی

كوردیو-

وەزارەتی كارو كاروباری كۆمەڵایەتی لە ڕۆژی جیهانی خێزاندا ڕاگەیەندراوێكی بڵاوكردەوە.

وەزارەتی كارو كاروباری كۆمەڵایەتی لە ڕۆژی جیهانی خێزاندا ڕاگەیەندراوێكی‌ بڵاوكردەوە بە ناونیشانی "مانەوەی خێزان مانەوەی گەلێكە" و تێیدا پیرۆزبایی لە گشت خێزانەكانی كوردستان دەكات.

لە ڕاگەیندراوەكەی وەزارەتی كاردا تیشك خراوەتە سەر بابەتێك كە بووەتە هۆی نیگەرانی لەلای هاوڵاتیان, ئەویش دیاردەی جیابوونەوەی خێزانەكانە و جیاوازی بیرو بۆچوون و باری كۆمەڵایەتی و ئابووری و ناپاكی هاوسەرگیری , كە بە هۆكارە سەرەكیەكانی جیابوونەوەی خێزان دادەنێت و كاریگەریەكانی ئەو جیابوونەوەیەش خراوەتەڕوو.

لە ڕاگەیندراوەكەدا داوا لە دامەزراوە حكومی و ناحكومیەكانی دەكات كاری زیاتر بۆ یەكخستنی خێزانەكان و ڕێگریكردن لە لێكترازان و هەڵوەشاندنەوەیان بكەن.

بە بڕیارێكی ڕێكخراوی نەتەوە یەكگرتووەكان لە ساڵی 1993دا، ڕۆژی 15 ی ئایاری هەموو ساڵێك وەك ڕۆژی جیهانی خێزان دیاریكرا.


 

هونەر بانەگولانی