دەمیرتاش : دەبێت پەكەكە داوای لێبوردن بكات

18/05/2016 - 11:18 بڵاوکراوەتەوە لە هەواڵ/كوردستانی


سەڵاحەدین دەمیرتاش هاوسەرۆكی پارتی دیموكراتی گەلان ڕایدەگەیەنێت لە بەرامبەر كوژرانی هاوڵاتیانی مەدەنی پێویستە پەكەكە داوای لێبوردن بكات وەك ئاماژەیەك بۆ كوژانی 16 هاوڵاتی مەدەنی لە لایەن پەكەكەوە.


سەڵاحەدین دەمیرتاش لە میانەی كۆبونەوەی پارتەكەیدا لە شاری ئەنكەرە ڕایگەیاند پێویستە بەرەپسانی هێرشەكەی یەكێك لە گوندەكانی ئامەد داوای لێبوردن بكەن و بە توندی ئیدانەی دەكەین و ئەم جۆرە هێرشانەش هیچ پاساوێكی نیە.


وتیشی : حیزبەكە بەهیچ شێوەیەك لە ئاست كوشتنی هاوڵاتیانی مەدەنی بێ دەنگ نابێت.


جێگای ئاماژە بۆكردنە بەرواری 12/5/2016 بەهۆی تەقاندنەوەی ئۆتۆمبێلێكی بە بۆمب چێنراو لە گوندێكی شاری ئامەد، 16 هاوڵاتی مەدەنی كوژران و 23 كەسی تریش بریندار بوون ، دوا بە دوای ڕوداوەكەش، پارتی كرێكاران ڕایگەیاند كە بە نیازی گوستنەوەی ئۆتۆمبێلەكە بوون بۆ شوێنێكی تر لەو ناوچەیەدا تەقێنراوەتەوە.

 

am