لیژنەی سامانە سروشتیەكان: خراپی كوالیتی و نرخی بەنزین كۆنتڕۆڵ ناكرێ‌

18/05/2016 - 14:09 بڵاوکراوەتەوە لە هەواڵ/كوردستانی

كوردیو ـ سلێمانی ـ یانی یادگار
سەرۆكی لیژنەی وزەو سامانە سروشتیەكان لە ئەنجومەنی پارێزگای سلێمانی دەلێت توانیویانە كێشەی بڕی بەنزین چارەسەر بكەن و ڕێژەكەی زۆر بكەن بەڵام ناتوانرێت خراپی كوالیتی و نرخی بەنزین كۆنتڕۆڵ بكرێ‌ و دەشلێت ئەو بازاڕە ئازادەی ئێستا هەیە قوڕی بۆ هەژاران گرتۆتەوە.

 


د.غالب محەمەد سەرۆكی لیژنەی وزەو سامانە سروشتیەكان لە ئەنجومەنی پارێزگای سلێمانی بە كوردیوی ڕاگەیاند:" قەیرانی سوتەمەنی ساڵانە هەبوە تائیستاش بەردەوامی هەیە ، ئێستا كێشەكە سێ‌ ڕەهەندە لە بڕو نرخ و كوالێتی".

 


سەرۆكی لیژنەی وزەو سامانە سروشتیەكان لە ئەنجومەنی پارێزگای سلێمانی وتیشی:" توانیومانە كێشەی بڕەكەی چارەسەر بكەین و ڕێژەكەی زۆر بكەین ، بەڵام ناتوانرێت خراپی كوالیتی و نرخی بەنزین كۆنتڕۆڵ بكرێ‌ و ئیستا ئەو كێشە هەر ماوە".

 


غالب محەمەد لەبارەی بەرزبونەوەی نرخەكەی بەتایبەت ساڵانە لەگەلچ نزیك بونەوەی مانگی ڕەمەزاندا وتی:" گران بونی نرخەكەی بەشێكی پەیوەندی بە نرخی دۆلارەوە هەیەو بەشەكەی دیكەی پەیوەندی بە ئەو سیستمی بازاڕی ئازادەوە هەیە كە لە كوردستان كاری پێدەكرێت ، چونكە ئەو بازاڕە ئازادەی ئێستا هەیە قوڕی بۆ هەژاران گرتۆتەوەو دەبێت یاساكەی هەموار بكرێتەوە".

 

 

سەلام بێستانسوری