فازڵ میرانی: ریفراندۆمیش پێویست ناكا

24/05/2016 - 16:42 بڵاوکراوەتەوە لە هەواڵ/كوردستانی

 

كوردیو - هەولێر


سكرتێری مەكتەبی سیاسیی پارتی ڕایگەیاند، "دەمانەوێ بە لێكتێگەیشتن لەگەڵ بەغدادا ئەو پرسە یەكلا بكەینەوە، كە وا بوو ئەوكات ڕیفراندۆمیش پێویست ناكا ساز بدرێ.

لە وەڵامی ڕۆژنامەنووساندا دەربارەی ڕێككەوتنی نێوان یەكێتیی نیشتیمانی و بزووتنەوەی گۆڕان، سكرتێری مەكتەبی سیاسی پارتی وتویەتی: "بڕیاری ئێمە لە بەیاننامەی مەكتەبی سیاسیدا ڕۆشنە، ئێمە لە ڕاگەیاندنەوە باسی ئەم ڕێككەوتنە و هەڵوێستی خۆمان ناكەین."

دەربارەی ئاساییكردنەوەی دۆخی سیاسی و داراییەكەی هەرێمی كوردستانیش سكرتێری مەكتەبی سیاسیی پارتی لە كۆنگرەیەكی رۆژنامەوانیدا لە سلێمانی وتی: قەیرانی دارایی بەرەنجامی نەبوونی پەرلەمان نییە، بەڵكە بابەتێكی دارایی نێودەوڵەتییە و هەموو ناوچەكەی گرتووەتەوە .

دەربارەی ڕێككەوتنەكەی نێوان یەكێتی و گۆڕان هەروەها گوتی، ئەوكاتەی كە یەكیش بووین، گلەیی و ڕەخنە هەر هەبوون، ئەوكاتەی كە گۆڕان جیا بووەوە دەیگوت دەیگۆڕین، ئێستا دەكرێ بزانین چییان گۆڕی، ئاخر ناكڕێ تۆ پێت وابێ شەفافی و من شەفاف نیم، چونكە ئێمە هەموومان پێكەوە بووین و لە چاك و خراپەكانی ئەم ئەزموونە بەرپرسین .

دەربارەی ڕیفراندۆمیش میرانی ووتی: دەمانەوێ بە لێكتێگەیشتن لەگەڵ بەغدادا ئەو پرسە یەكلا بكەینەوە، كە وا بوو ئەوكات ڕیفراندۆمیش پێویست ناكا ساز بدرێ .

م. كانی