سبەی مووچەی ئەم وەزارەتە دابەش دەكرێت

24/05/2016 - 17:35 بڵاوکراوەتەوە لە هەواڵ/كوردستانی


كوردیو - محمد عمر كانی

هەرچەندە وەزارەتێكی دارایی رایگەیاند كە ئەمرۆ مووچەی وەزارەتی پێشمەرگە دابەش دەكرێت، بەڵام مووچەكە دابەش نەكراوەو بەڵام بڕیارە سبەی مووچەكە دابەش بكرێت .

بەپێی زانیاریەكانی كوردیو سبەی چوارشەممە پارە دەگاتە بانكەكان و پێشمەرگە دەتوانێت مووچەكانی وەربگرێت .

جێی باسە ئەمە بۆ چەندەمین جارە دووبارە دەبێتەوە كاتێك وەزارەتی دارایی بە فەرمانبەران و مووچەخۆران رادەگەیەنێت كە دەتوانن مووچەكانیان وەربگرن ، بەڵام كاتێك سەردانی بانكەكان دەكرێت پارەی تێدانیەو مووچەخۆران و فەرمانبەران بە بێ وەرگرتنی پارە دەگەرێنەوە ماڵەكانیان .

كوردیو پەیوەندی كرد بە ئاری هەرسینی سەرۆك و دلێر مستەفای جێگری و بەهار عەبدولرەحمانی، بڕیاردەری لیژنەی كاروباری پێشمەرگە وشەهیدان لە پەرلەمانی كوردستان ، بەڵام هیچ كامیان وەڵامی پەیوەندیەكەیان نەدایەوە .

م. كانی