سەرۆكی پەرلەمان لەسەر هەڵاتنی پێشمەرگە لەشەنگال ڕونكردنەوە

25/05/2016 - 09:26 بڵاوکراوەتەوە لە هەواڵ/كوردستانی


نوسینگەی ڕۆژنامەوانی سەرۆكی پەرلەمان ڕایدەگەیەنێت سایتی (rt) ی ڕوسی لێدوانێكی سەرۆكی پەرلەمانی شێواندووە گوایا هەڵاتنی پێشمەرگە هۆكار بووە بۆ كۆمەڵكوژی ئێزدیەكان.
لە ڕونكردنەوەكەدا هاتووە" ڕای گشتی ئاگادار ئەكەینەوە كە ئەم هەواڵە سەرلەبەری شێوێندراوە و، سەرۆكی پەرلەمان و پەرلەمانتاران چەند بەرپرسێكی حیزبی بە كەمتەرخەم ئەزانن لە پارێزگاری نەكردن لە شەنگال ، چەندین جاریش پێداگرییان كردوە كە پێویستە لێپێچینەوەی یاساییان لەگەڵ بكرێت".


هەروەك هاتووە" بە پێچەوانەی ئەمانەوە ژمارەیەك پێشمەرگەی قارەمان بە هاوكاریی شەڕڤانان، بونە هۆی ڕزگاركردنی گیانی هەزاران هاوڵاتیی دانیشتوی شەنگال لە چیای شەنگال. قارەمانیەكانی هێزی پێشمەرگەی قارەمان و گیانفیدایی شەهیدە نەمرەكان، مایەی سەربەرزیی گەلەكەمانن لە هەمو جیهان".


دەقی رونكردنەوەكە

ڕونكردنەوەیەكی پێویست لە نوسینگەی ڕۆژنامەوانیی سەرۆكی پەرلەمان سەبارەت بە هەواڵێكی شێوێندراو

سایتی (RT) لە زاری سەرچاوەیەكی ترەوە بە ناوی (سبوتنیك)، هەواڵێكی بڵاو كردۆتەوە كە گوایا سەرۆكی پەرلەمان ئاماژەی بەوە داوە كە هەڵاتنی پێشمەرگە هۆكار بوە بۆ كۆمەڵكوژیی خوشك و برایانی كوردی ئێزیدیمان. لێرەوە ڕای گشتی ئاگادار ئەكەینەوە كە ئەم هەواڵە سەرلەبەری شێوێندراوە و، سەرۆكی پەرلەمان و پەرلەمانتاران چەند بەرپرسێكی حیزبی بە كەمتەرخەم ئەزانن لە پارێزگاری نەكردن لە شەنگال ، چەندین جاریش پێداگرییان كردوە كە پێویستە لێپێچینەوەی یاساییان لەگەڵ بكرێت.

 

بە پێچەوانەی ئەمانەوە ژمارەیەك پێشمەرگەی قارەمان بە هاوكاریی شەڕڤانان، بونە هۆی ڕزگاركردنی گیانی هەزاران هاوڵاتیی دانیشتوی شەنگال لە چیای شەنگال. قارەمانیەكانی هێزی پێشمەرگەی قارەمان و گیانفیدایی شەهیدە نەمرەكان، مایەی سەربەرزیی گەلەكەمانن لە هەمو جیهان.

هەروەها لە هەواڵەكەدا وا هاتوە كە پێشمەرگە سەر بە (سەرۆكی ئێستای هەرێمە). ئەمە لە كاتێكدایە كە هەموان ئاگادارن لە دوای ١٩ی ئابی ساڵی ڕابردوەوە، سەرۆكی پەرلەمان ڕایگەیاند كە شەرعیەتی سەرۆكایەتیی هەرێم بە پێی یاسا كۆتایی هاتوە.

نوسینگەی ڕۆژنامەوانیی سەرۆكی پەرلەمان

 

 

am