گەرمیان... نرخی ئەمپێری مۆلیدە ئەهلیەكان دیاری كرا

07/06/2016 - 09:51 بڵاوکراوەتەوە لە هەواڵ/كوردستانی

قائیمقامیەتی قەزای كەلار ڕایدەگەیەنێت: مۆلیدە ئەهلیەكان قەرەبووی 50 كاتژمێر كارەبای مانگی ڕابردوو دەكەنەوە و بۆ پێدانی 235كاتژمێریش 7500 دینار دیاری كرا.

 


قائیمقامیەتی قەزای كەلار لە ڕاگەیەندراوێكدا كە وێنەیەكی دەست كوردیو كەوتوە ڕایگەیاند: لیژنەی باڵای ئابوری نرخی ئەمپێری مۆلیدە ئەهلیەكانی لە سنوری ئیدارەی گەرمیان دیاری كرد كە مۆلیدە ئەهلیەكان قەرەبووی 50 كاتژمێر كارەابی مانگی ڕابردوو دەكەنەوە لەم مانگەدا لە بەرامبەر پێدانی 235 كاتژمێر كارەبا بۆ هەر ئەمپێرێك بڕی 7500 دینار وەردەگیرێت.

 

هەروەها ئاماژەی بەوەش كردووە: مۆلیدە ئەهلیەكان ئەگەر كەمتر لە وەی بۆیان دیاری كراوە كارەبایان دا بە هاوڵاتیان " قەرەبووی هاوڵاتیان دەكەنەوە " بە پێچەوانەیشەوە هاوڵاتیان قەرەبووی خاوەن مۆلیدەكان دەكەنەوە و مۆلیدە ئەهلیەكان لە كات ژمێر 10 ی پێش نیوەڕۆ تاوەكو چواری بەیانی دوای بچڕانی كارەبای نیشتمانی پابەند دەبن پە پیدانی كارەبا بە هاوڵاتیان بە پێچەوانەوە سزای دارایی دەدرێن.

 

لە ڕاگەیەندراوەكەی قائیمقامیەتی قەزای كەلار ئەوەش خراوەتەڕوو: نرخی ئیش پێكردنی كاتژمیرێك مۆلیدە ئەهلیەكان بۆ مانگی 6 لە سنوری ئیدارەی گەرمیان بە 40 دینار دیاری كرا ئەمە لە كاتێكدا لە سنوری پاریزگای سلێمانی (42)دینار بۆ هەر كات ژمێرێك دیاری كراوە و مۆلیدە ئەهلیەكان دەتوانن دوای پێنج كاتژمێر ئیش كردنی مۆلیدەكانیان كات ژمێرێك پشوو بە مۆلیدەكانیان بدەن.

 

 


سەلام بێستانسوری