پارتی: پەكەكە بەربەستی بەردەم گەڕانەوەی خەڵكی شەنگال و بەجینۆساید ناساندنیەتی

11/06/2016 - 11:16 بڵاوکراوەتەوە لە هەواڵ/كوردستانی


قایمقامی قەزای شەنگال و پەرلەمانتاری پێووی پارتی ڕایدەگەیەنێت خەڵكی شنگال لە ترسی پەكەكە ناتوانن بگەڕێنەوە سەر ماڵوحاڵی خۆیان، ئەوان بەربەست دروست دەكەن و رێگریی لە خەڵك دەكەن. جەختیش دەكاتەوە، چونكە ھێزێكی نایاسایین و پێشێلی سەروەریی خاكی عێراقیان كردووە، ھەر چۆن بێت پێویستە شنگال چۆڵ بكەن.


مەحما خەلیل بە ماڵپەڕی فەرمیی پارتی ڕاگەیاندووە " بەھیچ شێوەیەك رێگا نادەین پەكەكە بەو شێوەیە مامەڵە لەگەڵ كوردانی ئێزدیدا بكات، ئاخر یاسای یونامی رێگا بەوە نادات و پێویستە ناوچەكانیان پارێزراو بن.''


وتیشی ''حەز دەكەین پەكەكە بەبێ كێشە ناوچەكانمان چۆڵ بكات، چونكە دواتر خەڵكی شنگال ئەم خۆسەپێنییەی ئەوان قەبووڵ ناكات و رێگەی یاساییان لە دژ دەگیرێتە بەر.''

قائیمقامی شەنگال ڕاشیگەیاند ''بڕیاری ئەنجوومەنی پارێزگای نەینەوا بۆ دەركردنی پەكەكە وەڵامێك بوو بۆ ئەوان كە باس لەوە دەكەن لەلایەن بەغداوە رێگایان پێدراوە، دەبێ بزانن كە بەپێی یاسا سەروەریی خاكی عێراقیان پێشێل كردووە و ناكرێت لە شنگالدا بمینێنەوە، چونكە تاوەكو ئەمانە لە شنگالدا بن، ئەو قەزایە ئاوەدان ناكرێتەوە و بە جینۆسایدیش ناناسرێت و، رێگری لە خەڵكیش دەكەن بگەڕێنەوە بۆ سەر ماڵوحاڵی خۆیان و بەربەستیان بۆ دروست دەكەن.''

 

 

am