هەڵۆكانی كوردستان بەرپرسیاریەتی تەقینەوەكەی ئەستەمبوڵی ڕاگەیاند

11/06/2016 - 11:49 بڵاوکراوەتەوە لە هەواڵ/كوردستانی


ڕێكخراوی هەڵۆكانی ئازادی كوردستان لە باكور بە فەرمی بەرپرسیارێتی خۆیان لە تەقینەوەكەی ئەستەمبوڵ ڕاگەیاند كە بووە هۆی كوژرانی 11 كەس و برینداربوونی دەیانی كەسی تر و ڕایدەگەیەنن كە چیتر توركیا كەشێكی ئارام نیە بۆ گەشتیاران.


بە گوێرەی بەیاننامەیەكی هەڵۆكانی كوردستان هێرشەكە لە تۆڵەی جەنگی سوپای توركیایە دژی هاوڵاتیانی باكوری كوردستان و وشیاریش دەداتە گەشتیاران و ڕایدەگەیەنێت چیتر توركیا كەشێكی ئارام نیە.


ڕۆژی سێ شەمە لە ئاكامی تەقینەوەیەكی خۆكوژیدا كە لە بەردەم زانكۆی گەورەی ئەستەمبوڵ ڕویدا و ئۆتۆمبێلێكی پۆلیسی كردبووە ئامانج 11 پۆلیس و هاوڵاتی مەدەنی كوژران و دەیان كەسی تریش برینداربوون.

 

 

am