بۆئاگاداربون لەكاریگەریانی چەكی كیمیایی پشكنین بۆ خاك و ئاوی هەڵەبجە دەكرێت

11/06/2016 - 17:19 بڵاوکراوەتەوە لە هەواڵ/كوردستانی


كوردیو ـ هەڵەبجە ـ حەیدەر حەمەصاڵح
پاش تێپەڕ بونی زیاتر لە 28 ساڵ بەسەر كیمیابارن كردنیدا و پاش هەوڵ و كۆششێكی زۆر بڕیارە ئاو و خاكی هەڵەبجە بنێردرێتە بەغدا بۆ پشكنین..
حیكمەت فایەق ئەندامی دەستەی باڵای كۆمەڵەی قوربانیانی كیمیابارانی هەڵەبجە لە لێدوانێكیدا بۆ كوردیو ڕایگەیاند : دوای ئەوەی كە وەزیری زانست و تەكنەلۆژیای عێراق سەردانی شارەكەی كرد و كۆمەڵەكەمانی بەسەر كردەوە و گوێی بۆ ئازارەكانی ئێمەی هەڵەبجەیی گرت داوامان لێكرد هاوكارمان بێت بۆ ئەوەی پشكنین بۆ خاك و ئاوی شارەكەمان بكەن تابزانین تا چەندە كاریگەری كیمیابارن بەسەریەوە ماوەتەوە .
ئەو ئەندامەی دەستەی باڵای كۆمەڵەی قوربانیانی كیمیابارانی هەڵەبجە ڕاشیگەیاند : لەلایەن خۆیانەوە بەڵێنی هاوكاری تەواوی پێداین بۆیە لەگەڵ (كاوە شێخ عەلی) جێگری پارێزگاری هەڵەبجە كۆبوینەوە و ئەویش بەڵێنی هاوكاریكردنی پێداین بۆیە تیمێكمان پێكهێناوە بۆ ئەو مەبەستەو نمونەمان وەگرتوە بەم نزیكانە ڕەوانەی بەغدای دەكەین بۆ پشكنیین .
لە16ی 3ی 1988دا هەڵەبجە لەلایەن ڕژێمی لەناو چوی بەعسەوە بەچەكی كیمیایی بۆردومانكراو 5000هەزار شەهید و چەندەها برینداری لێكەوتەوە .

أ.س