رێكخراوی گەشەپێدان داوای سزای توندو دادگایی كردن دەكات

13/06/2016 - 15:45 بڵاوکراوەتەوە لە هەواڵ/كوردستانی

 

كوردیو - هەولێر

دوابەدوای بڵاوبوونەوەی دەنگۆی دزەپێكردنی پرسیاری تاقیكردنەوەكانی پۆلی دوازدەی ئامادەیی رێكخراوی گەشەپێدانی قوتابیانی كوردستان رایدەگەیەنێت، دەنگۆی ئاشكرابوونی پرسیارەكان كاریگەری نەرێنی لەسەر دەروونی قوتابیان دروست دەكات و بەئەركی لایەنه ‌پەیوەندیارەكانی دەزانین رێكاری توند بگریتەبەر بۆ ئەوەی چیتر میزاجی قوتابی تێك نەدرێت لە كاتی تاقیكردنەوەكان.

ئەحمەد ئەسكەندەر، سكرتێری گشتی رێكخراوی گەشەپێدانی قوتابیانی كوردستان رایگەیاند: ئەم دەنگۆیانە كاریگەری نەرێنی لەسەر میزاجی قوتابیان دروستدەكات پێویستە هەموو لا یەك هاوكاربین بۆ ئەوی قوتابیانمان لەكەشێكی ئارام تاقیكردنەوەكانیان ئەنجام بدەن چونكه ‌كاریگەری لەسەر پا‌شەرۆژیان هەیە.

سەبارەت بەدەنگۆی دزەپێكردنی پرسیاری تاقیكردنەوەكان سكرتێری گشتی گەشەپێدانی قوتابیان رایگەیاند: ئیجرائاتی توند و پێویست و چارەسەرە پەروەردەیەكان گرینگن و گرتنەبەری رێگا و رێكارە دروست و زانستیەكان بۆ رێگەگرتن لەم دیاردە نەشیاوە ئەركی دەزگا پەیوەندیدارەكانە.

دەربارەی رێكارەكانی رێگریكردن لەم دیاردەیە كەساڵانە دوباره ‌دەبێتەوە ‌‌وتی: ئەركی وەزارەتی پەروەردەولایەنە ئەمنیەكانە ئەگەر حاڵەتی لەوشێوەیە هەبووبێت پێویستە بەتوندترین شێوە سزابدرێن خۆ ئەگە‌ر تەنها دەنگۆیە پێویستە ئەوكەس و لایەنانە بدۆرزێنەوە كەئەو دەنگۆیانە بڵاو دەكەنەوە پێویستە بدرێنە دادگا بۆئەوەی سزای شیاویان وەربگرن چونكه ‌بونەتە هۆی بڵاوكردنەوەی پشێوی لەناو كۆمەڵگا بەگشتی و قوتابیان بەتایبەتی.

م. كانی