بە ئێف16 فەلوجە بۆردومان دەكرێت

13/06/2016 - 16:21 بڵاوکراوەتەوە لە هەواڵ/كوردستانی

 

بۆ یەكەمجار سوپای عێراق فرۆكەی جۆری ئێف 16 لە فەلوجە بەكاردەهێنێت و ئەمەش دوای ئەوە دێت لەلایەن حەشدی شەعبی و چەند هێزێكیتری ئەمینەوە چەندین تاوانی مرۆڤایەتی دەرهەق بە هاوڵاتیانی سڤیلی ئەو شارە كراوە لە چوارچێوەی ئۆپەراسیۆنی رزگاركردنی شارەكە .

لە راگەیەندراوێكی وەزارەتی بەرگری عیراق ئەوەهاتووە: ‌بۆ یەكەمجار فڕۆكەی ئێف 16ی ئەمریكی‌ بۆ‌ ڕزگاركردنی فەلوجە بەكارهێندرا .

بەپێی راگەیەندراوەكە فرۆكەكە پێگەكانی داعشی لەناو شارەكە بۆردومانكردووە ، ئەگەرچی داعش هاوڵاتیانی سڤیل و شارەكە بەكاردەهێنێت بۆ مانەوەی خۆی ، بەڵام داوا دەكرێت سوپا هاوڵاتیان نەكاتە ئامانج و حەشدی شەعبیش تاوانەكانیان رابگرن بەرانبەر بەهاوڵاتیانی سوننی .

لەدوای داگیركردنی شارۆچكەی فەلوجە لەلایەن داعشەوە لە ساڵی 2014 ، دواجار لە 23ی ئایاری رابردوو، ئۆپەراسیۆنی رزگاركردنەوەی شارەكە ‌‌دەستیپێكرد ، بەڵام تا ئێستا بەتەواوی كۆنترۆڵ نەكراوە ، تەنها چەند گەڕەك و ناوچەیەكی نەبێت .

شارۆچكەی فەلوجە قەزایەو سەر بە پارێزگای ئەنبارە تەنها 60 كیلۆمەتر دوورە لە باكوری خۆرئاوای بەغدای پایتەختەوە .

م. كانی