كۆبونەوەی یەكێتی و گۆڕان دەستیپێكرد

ڕێبین عەلی 14/06/2016 - 11:37 بڵاوکراوەتەوە لە هەواڵ/كوردستانی

یەکەم کۆبوونەوەی سەرکردایەتییە هاوبەشەکەی یەکێتی و گۆڕان بە ئامادەبوونی نەوشیروان مستەفا ڕێکخەری گشتی بزووتنەوەی گۆڕان و بەرهەم ساڵح جێگری دووەمی سکرتێری گشتی یەکێتی دەستیپێکرد.
پەیامنێری كوردیو ڕایگەیاند : بەپێی تەوەری كۆبونەوەكەی ئەمرۆی سەركردایەتی هاوبەشییەكێتی و گۆڕان گفتوگۆ لەبارەی دوو تەوەری سەرەکییەوە دەکرێت کە یەکەمیان جێبەجێکردنی ناوەڕۆکی ڕێککەوتنامەکەی نێوان یەکێتی و گۆڕانە، لە تەوەری دووەمی کۆبوونەوەکەشدا گفتوگۆ لەبارەی بارودۆخی هەرێم و هەڵوێستەکانی پارتییەوە دەکرێت و گفتوگۆش لەبارەی کۆبوونەوەکەی دوێنی ١٢ ی حوزەیرانی ٢٠١٦ی نێوان پارتی و یەکێتی دەکرێت.

ئەندامانی سەرکردایەتییە هاوبەشەکەی گۆڕان پێکهاتوون لە (نه‌وشیروان مسته‌فا، عومه‌ری‌ سه‌ید عه‌لی، عوسمانی‌ حاجی‌ مه‌حمود ، محه‌مه‌د تۆفیق ره‌حیم، ساماڵ عه‌بدوڵا و ئیسماعیل نامیق).

ئەندامانی سەرکردایەتییە هاوبەشەکەی یەکێتی پێکهاتوون لە (بەرهەم ساڵح، هێرۆ ئیبراهیم، حاكم قادر، عیماد ئەحمەد، ڕەفعەت عەبدوڵا و شاڵاو كۆسرەت).


ڕێبین عەلی